كتبت/رغدة رمضان
دافع الملحن محمد رحيم، عن الفنان تامر حسني، بعد الهجوم الذي تعرض له، بعد مشاركته في أحد الإعلانات الرمضانية لمنتج تم مقاطعته من المجتمع المصري تضامنا مع ضحايا العدوان على غزة
وكتب محمد رحيم، في تعليقه على صورة مع تامر حسني، عبر تطبيق انستجرام: "مع أن تامر حسني نجم كبير وعنده معجبين بالملايين بس برضه اللى ناس كتير متعرفوش أنه على المستوى الشخصي من أكتر الناس المحترمة والتربية اللى ممكن تشوفها في حياتك وبجد إنسان أخلاقه عالية فوق ما ناس كتير جدا تتخيل
وتابع محمد رحيم بقوله:"ياجماعه من فضلكوا بلاش مزايدة.. مين فينا قلبه مش مقسوم نصين وعرف معنى الحزن الحقيقي بسبب اللى حصل في أخواتنا الفلسطينيين. إحنا تحس أن كلنا واخدين علقة مش عارفين لحد دلوقتي نخف منها ومش هنخف منها بسهولة على فكرة، إنما الراجل لما يكون عنده تعاقد من سنين معمول في ظروف طبيعية جدا على منتج مصري 100% لأن إحنا متربيين عليه حرفيا خصوصا في مصر، ف والنبي بلاش بعض الناس تطلق أحكام غير صحيحة وكلها مزايدة وتشكيك حرفيا في غير محله بلاش كده ياجماعة".
وكان الفنان تامر حسني، خرج عن صمته للرد على أزمة إعلانه لأحد منتجات شركات المقاطعة، وأكد أنه لا يعلم أن الشركة تابعة لشركات المقاطعة، وأنها شركة مصرية، كما هو مكتوب في العقود الموقع عليها.